هنادي مهنا وأحمد خالد صالح يحكوا أهم المواقف بينهم .. شاهدوا

هنادي مهنا وأحمد خالد صالح

0

حل كل من أحمد خالد صالح وزوجته الفنانة هنادي مهنا ضيوف في برنامج صاحبة السعادة من تقديم الإعلامية والفنانة إسعاد يونس الذي يتم إذاعته على قناة دي أم سي وتحدثوا من خلال أحداث الحلقة عن لقائهم وبداية حبهم وتعاملهم مع بعض.

وحكت الفنانة هنادي مهنا عن قصة حبهم وقالت بدأنا ننزل كتير وكان بيهتم بيا كتير وأنا قولت مش هرتبط بحد دلوقتي وأنا عندي كرير وكنت بعمل 3 مسلسلات في وقت واحد وده صعب جدا وكنا بنخرج ونتفرج على التلفزيون بنفضل نحلل المشاهد.

وتحدثت عن أول خروجة للسينما مع زوجها أحمد خالد صالح وذلك بعد أن اعترف لها بحبه وقالت المفروض كنا خارجين وكان عازمني على سينما ومعروف إن السينما اتنين بيحبوا بعض وهيمسكوا إيد بعض ويأكلوا فيشار ويتنحنحوا وانا مكنتش عارفة ألبس إيه.

وأضافت أنا مواعيدي مظبوطة ووصلت قبل معادي ودايما انا أللي بستناه وفي كتب الكتاب استنيته وفي الخطوبة استنيته بالساعة عادي ووصلت قبله السينما وقولت له هجيب اتنين فشار لحد ما ييجي وقالي هاتي لنا بقا فشار وطلع جايب واحد صاحبه معاه.

وحكى أحمد خالد صالح موقف رومانسي حدث بينهم وقال حصل موقف إني لما أكلت الفشار كان حادق وأنا قاعد بتفرج خلصت أكل لقيت ايدها ممدودة بإزازة الميه وهي مفتوحة وكأنها قاعدة مستنية لحظة الفشار يخلص عشان تديني ميه وفي اللحظة تأكدت من حبها ليا.

Leave A Reply

Your email address will not be published.